स्वागतम्,
Sunday 28th April 2024 | Switch to English
नाइजरका राष्ट्रपति मोहम्मद बाजुमलाई तत्काल रिहा गरी संवैधानिक व्यवस्था पुन स्थापित गर्नुपर्ने संयुक्त राष्ट्रसङ्घले बिहीबार जनाएको छ ।
बाजुमलाई बुधबार नियामीमा उहाँका राष्ट्रपति गार्डका सदस्यहरूले बन्दी बनाएका थिए, जसले केही घण्टापछि समस्याग्रस्त पश्चिम अफ्रिकी राष्ट्रका ‘सबै संस्थाहरू’ निलम्बन गर्ने, सीमाहरू बन्द गर्ने र रातको समयमा कर्फ्यु लगाउने घोषणा गरेका थिए ।
“नाइजरमा सैन्य कब्जाको प्रयासबाट म स्तब्ध र व्यथित छु र यसको कडा शब्दमा भत्र्सना गर्दछु । संयुक्त राष्ट्रसङ्घका मानव अधिकार प्रमुख भोल्कर तुर्कले जारी गरेको विज्ञप्तिमा भनिएको छ । उहाँले भन्नुभयो, “संवैधानिक व्यवस्था र विधिको शासन बहालीका लागि सबै प्रयास गर्नुपर्छ ।”
विज्ञप्तिमा भनिएको छ, “राष्ट्रपति मोहम्मद बाजुमलाई तत्काल र बिनाशर्त रिहा गरिनुपर्छ र उहाँको सुरक्षा सुनिश्चित गरिनुपर्छ । उहाँको सरकारका सदस्यहरू र उनीहरूका नातेदारहरूलाई स्वेच्छाचारी रूपमा हिरासतमा राखिएको र उनीहरूलाई पनि बिना कुनै पूर्वशर्त तत्काल रिहा गरिनुपर्छ ।”
उहाँले भन्नुभएको छ, “म सबै पक्षलाई हिंसाबाट टाढा रहन र सबैको अधिकार र मौलिक स्वतन्त्रताको सम्मान गर्न आग्रह गर्दछु । हालैका वर्षहरूमा प्राप्त महत्वपूर्ण लोकतान्त्रिक उपलब्धिहरूको रक्षा र संरक्षण गरिएको छ । यो नाइजरका सबै जनताको हितमा छ ।
भूपरिवेष्ठित साहेल राज्य विश्वको सबैभन्दा गरिब र अस्थिर देशहरूमध्ये एक हो ।
