नगरपालिकाले दियो विद्यालयलाई ल्यापटप नगरपालिकाले दियो विद्यालयलाई ल्यापटप



२१

२४ साउन : सिद्धिचरण नगरपालिकाले सामुदायिक विद्यालयहरुलाई ल्यापटप सहयोग गरेको छ । नगरक्षेत्रभित्र रहेका १३ वटा माविलाई ल्यापटप वितरण गरेको हो ।

माविका पठनपाठनलाई अहिलेको प्रविधिसँग जोड्दै कागजविहीन शिक्षा पद्धतिको विकास गर्ने उद्देश्यले विद्यालयलाई ल्यापटप हस्तान्तरण गरिएको नगर प्रमुख मोहनकुमार श्रेष्ठले बताउनुभयो । नगरपालिकाभित्र रहेका १२ वटा माविलाई १२ थान र रुम्जाटार माविलाई चार थान गरी १६ थान ल्यापटप वितरण गरिएको छ ।



नगरपालकाभित्र रहेका १५ वटा माविमध्ये १३ वटा माविलाई मात्र ल्यापटप वितरण गरिएको हो । कडेनी मावि कडेनी र पुण्यमाता मावि बेतिनीलाई नगरपालिकाबाट शिक्षण सिकाइमा प्रविधिको प्रयोग गर्न भनी आवश्यक कम्प्युटर, इन्टरनेट जडानका लागि रु छ लाख ५० हजारका दरले अनुदान दिइसकेकाले यसपटक ल्यापटप नदिएको नगरपालिका शिक्षा शाखा प्रमुख नरेन्द्रराज राईले बताउनुभयो ।

ल्यापटपले अहिलेको आधुनिक शिक्षा प्रणालीमा विद्यार्थीहरुको पठनपाठनलाई सहयोग गर्ने सगरमाथा जनता माध्यमिक विद्यालय ओखलढुङ्गाका प्रधानाध्यापक माधवप्रसाद मास्केले बताउनुभयो । अहिले धेरै शिक्षकलाई कम्प्युटरसम्बन्धी ज्ञान भए पनि आफूलाई यससम्बन्धी ज्ञान नभएको प्रधानाध्यापक मास्केको भनाइ छ ।

कागजरहित शिक्षाको अवधारणासहित नगरपालिकाभित्र रहेका हिमालय मावि निशङ्खे, जनचेतना मावि भोर्ले, नारायणस्थान मावि, जाल्पा मावि गैरीगाउँ, चम्पादेवी मावि सल्लेरी, कुन्ता मावि ज्यामिरे, सगरमाथा जनता मावि, राज्यलक्ष्मी मावि सानिटार, जन्तरखानी मावि नवज्योति मावि मैदाने, कालिका मावि रुप्से र विगुटार माविलाई एक–एक थान ल्यापटप वितरण गरिएको जनाएको छ ।


User Avatar
RSS रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

विचार/ब्लग

भिडियो

छुट्यो कि