गोदावरीमा रु छ करोडको योजना सम्पन्न गोदावरीमा रु छ करोडको योजना सम्पन्न



३०

आर्थिक वर्ष २०७५/०७६ मा गोदावरी नगरपालिका–३ ले रु छ करोड ३६ लाख ५० हजार ३६० को योजना सम्पन्न गरेको छ ।

सो वडाले आज ‘आव २०७५/०७६ को वार्षिक समीक्षा’ कार्यक्रमको आयोजना गरी गत आवमा रु ६० लाख बजेट छुट्याएकामा दाता, स्रोत, प्रदेश र सङ्घको तर्फबाट दिएको रकमबाट नगरपालिका र वडा मिलेर ४९ योजना तथा कार्यक्रम सम्पन्न गरिसकेको वडाध्यक्ष बालमुकुन्द घिमिरेले जानकारी गराउनुभयो ।



वडाले गोदावरी कुण्ड मर्मत, साविकको गोदावरी बसपार्कमा ट्रष्ट र शौचालय, फुल्चोकी पैदलमार्ग र दृश्यावलोकन स्तम्भ निर्माण, लेलिनथोकको सडक विस्तार, गोदावरी किटिनीस्थित पानी प्रशोधन केन्द्र, वडा तीनको सामुदायिक भवनमा तला थप्ने, स्थानीय श्याम पौडेलको घरदेखि अमृत श्रेष्ठको घरसम्म गोदावरी खहरे सडक ढलान, डे«न तथा टेवा पर्खाल निर्माण, नौधारामा सत्तल र किरियापुत्री भवन निर्माण, कोट्टारको सार्वजनिक जग्गा र कुवा संरक्षण सम्पन्न गरिसकेको बताएको छ ।

वडाले सार्वजनिक गरेको पत्रअनुसार वडा अध्यक्षको स्वेच्छिक योजनाअन्तर्गत गोदावरीको शान्तिवनदेखि तान्चिनटार जोड्ने गोरेटो बाटो, गोदावरी पुल ठाडो बाटो हुँदै बुद्धटोल जाने सडक, मेतीचउरबाट खहरे जाने बाटो, पाटीबाट पौडोल जाने मोटरबाटो, टुपिखेल ढाँड जाने कच्ची मोटरबाटो, ड्रेन र पाटीबाट जीवनको घरसम्मको बाटो स्तरोन्नति, गोदावरीका स्थानीय राजन सिल्वालको घरदेखि क्षेत्रबहादुरको घर हँुदै पन्थटोल र थापाचउर हुँदै बडिखेल जाने बाटो विस्तार, टौखेल सुन्दर बस्तीमा तीन फिटको बाटो कायम, स्थानीय रमेशको घर अगाडि ठाडो उकालो ढलान, कच्ची बाटोमा ग्राभेलिङ, वडा तीनको चारघरेटोल जाने गोरेटो बाटोमा सिमेन्ट ब्लक छाप्ने तथा कुलोमा ह्युम पाइप राख्ने, रोक्का टोल जाने बाटोको पहिरो व्यवस्थापन, लेलिनथोक लप्सीगैरामा ट्रष्ट निर्माण, पौडोल चियाडाँडा जाने बाटो पिसिसी र गौरीकुण्ड मर्मत भइसकेका छन् ।

यसैगरी वडाले महिलाका लागि क्रिस्टलको चुरा भर्ने र मोजा पञ्जा तथा टोपी बुन्ने, कानूनसम्बन्धी तालीमका साथै महिला स्वास्थ्य स्वयंसेविकालाई अवलोकन भ्रमण गराएको छ । वडाले ज्येष्ठ नागरिकका लागि दिवा भवन, पश्चिमतर्फ मोतिचउरमा शिवलिङ्ग प्रतिस्थापन, निःशुल्क रगत परीक्षण सामग्री खरीदका साथै औषधि वितरण, ज्येष्ठ नागरिक प्रतिक्षालय भवन निर्माण सम्पन्न गरेको छ ।

यसैगरी वडाले बालबालिकाको हितमा शैक्षिक भ्रमण, खोप क्लिनिक, शिविर सञ्चालन गर्नुका साथै थापाचउरमा बालउद्यान निर्माण गरिसकेको छ । वडा नं ३ ले प्रधानमन्त्री स्वरोजगार कार्यक्रमअन्तर्गत गोदावरीको नहरदेखि खानेपानी मुहानसम्म सरसफाइ, भू तथा जलाधार व्यवस्थापन कार्यालयअन्तर्गत टौखेल र बडिखेलमा पहिरो उपचार कार्यक्रम, कार्यपालिकाको तर्फबाट वडा कार्यालय भवनमा रङरोगन तथा मर्मत, कृषि ज्ञानकेन्द्रको बजेटमार्फत भ्याल्कु डोलमा धान पकेट क्षेत्रद्वारा आयोजित तालीम, भ्रमण र टनेलका लागि पाल वितरण, ग्वालीन्द दहबाट टौखेल आउने धाराका लागि पाइप खरीद, पौडोलस्थित ललित घुम्तीमा ड्रेन नभएकाले पानी निकासका लागि पाइप तथा सकेट खरीद, पुल निर्माण गर्नुका साथै गोदावरीमा खेलको विकासका लागि गोदावरी बादो तेस्रो प्रतियोगिता र स्थानीय पर्वमा टेवा पु¥याउन स्थानीय शीर्षकअन्तर्गत नहरमा ल्होसार पर्वमा रकम खर्च गरेको जानकारी गराएको छ ।
–––


User Avatar
RSS रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

विचार/ब्लग

भिडियो

छुट्यो कि