खडेरीले मरेको बीउ रोप्दै किसान खडेरीले मरेको बीउ रोप्दै किसान



जिल्लाका किसानले भर्खर धान र कोदो रोप्न थालेका छन् । लामो समय खडेरीका कारण रोपाइँ गर्न नसकेका किसानले वर्षापछि रोपाइँको काम थालेका हुन् । अघिल्ला वर्ष असार पहिलो साता नै धान तथा कोदो रोप्ने काम अन्तिम चरणमा पुग्ने भए पनि पानी अभावले यस वर्ष ढिला रोपाइँ गरिएको रुम्जाटारका किसान खड्गकुमारी दाहालले बताउनुभयो ।

“खडेरीले बीउ राख्न दिएन, धाराको पानीले राखेको बीउ पनि उम्रन नपाउँदै घामले सुकेर म¥यो”, उहाँले भन्नुभयो, “असार सकिन लागेपछि बाढी बग्ने गरी पानी त आयो तर बीउ छैन के रोप्नु ? त्यही मरेको बीउ सुम्सुम्याउँदै रोप्न थालेका छौँ, खेत बाँझो नहोेस् भनेर खडेरीले सुकेको बीउ पनि रोप्न बाध्य छौँ ।”

यो पनि छुटाउनु भयो कि ?


वर्षापछि जिल्लाका सबै क्षेत्रमा रोपाइँको काम धमाधम भइरहेको छ । लिखु गाउँपालिकाको पोकली, गाम्नाङटार, यसम, टारकेराबारी, मोलुङको हर्कपुर, प्राप्चा, रामपुर, सिद्धिचरण नगरपालिकाको रुम्जाटार, वर्णालु, खिजीदेम्बाको रगनी, चण्डेश्वरी खिजीकाती, चम्पादेवीको फूलबारी, बिलन्दु, चिशङखुको कुइभिर, सेर्ना मानेभञ्ज्याङको टोक्सेल, उँबु, बाक्सा र सुनकोशीको कटुञ्जे, सिस्नेरी बलखुका किसानलाई यतिबेला रोपाइँको चटारो छ ।

“जेठ र असार महीना पानी कहिले पर्ला भन्ने आशले आकाश हेरेर दिन बिताइयो”, पोकलीका कृषक राम घिमिरेले भन्नुभयो, “साउन लाग्ने बेलामा सबैका खेतमा रोपाइँ धमाधम भइरहेको छ ।” जिल्लाको चार हजार ५०० हेक्टर जमीनमा धानखेती हुने गरेको छ । कृषि ज्ञान केन्द्रका अनुसार यही असार २५ गतेसम्म कूल जमीनको करीब २२० हेक्टर जमीनमा मात्रै रोपाइँ भएको थियो । अहिले दैनिक सय हेक्टरभन्दा बढी जमीनमा रोपाइँ भइरहेको तथ्याङ्क आएको उक्त केन्द्रका प्रमुख मोहनप्रसाद खतिवडाले बताउनुभयो ।

कुलो बाढीले बगाउँदा

लामो समय खडेरीको मार खेपेका किसान वर्षापछि अर्को समस्यामा परेका छन् । खोलामा आएको बाढीले सिँचाइ कुलो बगाएपछि रोपाइँ गर्न समस्या भएको सिस्नेरीका बुद्धिमान राईले बताउनुभयो । पानी पर्याप्त भएको जिल्लाको खिजीदेम्बा गाउँपालिका र केही अन्य खोला किनार नजीकका किसानले मात्रै रोपाइँको काम सहज रुपमा गरिरहेका छन् ।


User Avatar
RSS रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

विचार/ब्लग

भिडियो / टीभी

यो पनि पढ्नुहोस