सरकारका निर्णयको कार्यान्वयन गर्न मुख्यमन्त्रीको अनुरोध सरकारका निर्णयको कार्यान्वयन गर्न मुख्यमन्त्रीको अनुरोध



हेटौँडा, २२ फागुन : प्रदेश नं ३ का मुख्यमन्त्री डोरमणि पौडेलले सरकारले गरेका हरेक निर्णयको निर्बाध कार्यान्वयन गरिनुपर्ने बताउनुभएको छ । प्रदेश नं ३ को भौतिक पूर्वाधार विकास मन्त्रालयद्वारा आज हेटौँडामा आयोजित यातायात सेवाको नाम पञ्जीकृत गर्नेसम्बन्धी छलफल कार्यक्रममा उहाँले यातायात क्षेत्र व्यवस्थित हुनुपर्ने बताउनुभयो । यातायात क्षेत्र संवेदनशील भएकाले यसबारे सम्बन्धित सबै गम्भीर हुनुपर्नेमा उहाँले जोड दिनुभयो ।

सोही कार्यक्रममा प्रदेश नं ३ का आन्तरिक मामिला तथा कानूनमन्त्री शालिकराम जमकट्टेलले सरकारले यातायात क्षेत्रको सुधारका लागि यातायातसँग सम्बन्धित सङ्घसंस्थालाई कम्पनीमा लानु परेको बताउनुभयो । उहाँले कम्पनीसम्बन्धी मौज्दात ऐनले यातायात कम्पनीलाई पूर्णरुपमा समेट्न नसक्ने हुँदा यो क्षेत्रलाई समेट्न अलग्गै कम्पनी ऐनको आवश्यकता रहेको उल्लेख गर्नुभयो ।

नेपाल राष्ट्रिय यातायात व्यवसायी महासङ्घका केन्द्रीय अध्यक्ष योगेन्द्र श्रेष्ठले लगानीकर्ता, मजदूर, सरकार र उपभोक्ता तहमा रहेका व्यक्तित्वले आफ्नो स्थानबाट सकारात्मक र प्रतिबद्ध भएर काम गर्ने हो भने यातायात क्षेत्रको समस्या पूर्णरुपमा समाधान हुने बताउनुभयो । उहाँले यातायातसँग सम्बन्धित सङ्घसंस्थालाई कम्पनीमा लान समस्या नभएको बताउनुभयो । नारायणी यातायात व्यवसायी कम्पनी प्रालिका अध्यक्ष गोकर्ण पराजुलीले कम्पनी रजिष्ट्रारको कार्यालयले केन्द्रबाट मात्रै सेवा प्रवाह गर्ने गरेको बताउनुभयो । कार्यक्रममा मुख्यमन्त्रीका प्रमुख राजनीतिक सल्लाहकार जेएन थपलिया, प्रदेश प्रमुख सचिव आनन्दराज ढकाल, मुख्य न्यायाधिवक्ता सूर्यचन्द्र न्यौपानेलगायत यातायात क्षेत्रका विभिन्न व्यक्तित्वको सहभागिता थियो । यातायात व्यवसायीले आफूहरु कम्पनीमा जान तयार भए पनि अझै धेरै समस्या बाँकी रहेकाले ढिलो भएको बताएका थिए ।


User Avatar
रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

लोकप्रिय