रेन्बो इन्टरनेशनल बोर्डिङ मा.वि., डल्लु, काठमाडौँले स्थापनाको २५ वर्ष पूरा गरेको उपलक्ष्यमा रजत महोत्सव कार्यक्रम सम्पन्न गरेको छ । पूर्व प्रधानमन्त्री मा. झलनाथ खनाल प्रमुख आतिथ्य गर्नु भएको थियो । उक्त अवसरमा प्रमुख अतिथीद्धारा रेन्बो रजत महोत्सव अंकित झण्डा आकासमा उडाउदै कार्यक्रमको समुद्घाटन गरिएको थियो भने रेन्बो रजत स्मारीकाको विमोचन समेत गरिएको थियो । नेपाल खुला विश्व विद्यालयका उपकुलपति प्रा.डा. लेखनाथ शर्मा तथा पूर्व मन्त्री नविन्द्रराज जोशी को विशेष आतिथ्यमा सम्पन्न कार्यक्रमको सभापतित्व विद्यालय व्यवस्थापन समितिका अधक्ष्य डा. रामहरि ढकालले गर्नुभएको थियो ।
कार्यक्रममा प्रा.डा. बालमुकुन्द रेग्मी, प्रा. नेत्र धिताल, प्रा. राजभाइ कर्मचार्य, मधुसुधन श्रेष्ठ, इश्वरमान डङ्गोल, कृष्ण सुवेदी प्रा. रत्नलाल प्रधानलगायतका व्यक्तिहरु अतिथिको रुपमा उपस्थित हुनुहुन्थ्यो । प्रमुख अतिथी पूर्व प्रधानमन्त्री मा. झलनाथ खनालले निजी क्षेत्रबाट संचालीत विद्यालयका विद्यार्थीको उत्कृष्ट नतिजा ल्याउन र मुलुकको शिक्षा क्षेत्रमा ठूलो योगदान दिएको र राज्यले पनि शिक्षा नितिमा समय सापेक्ष सुधार गर्दै गएको बताउनु भयो । विशिष्ट अतिथी पूर्व मन्त्री नविन्द्र राज जोशीले रेन्बो स्कुलले २५ वर्ष देखि शिक्षामा ठूलो योगदान दिएको चर्चा गर्दै अभिभावक र विद्यालय विचको समन्वय भएमा समग्र शिक्षाको गुणस्तर वृद्धि हुने बताउनु भयो । त्यस्तै विशिष्ट अतिथी नेपाल खुला विश्व विद्यालयका उपकुल पति प्रा.डा. लेखनाथ शर्माले अब विद्यालय शिक्षा देखि नै ICT लाई प्रयोगमा ल्याउन पहल गर्नु पर्ने बत्ताउनु भयो । विद्यालयका पूर्व प्राचार्य तथा प्रबन्धनिर्देक डा. विष्णु खनालले रेन्बोको २५ वर्षको सफलतामा अभिभावक, शिक्षक र विद्यार्थी बीचको सहकार्यको परिणम भएको चर्चा गदै राज्यले शिक्षा नीतिमा परिमार्जन गरि युवा शक्ति विदेश पलायन हुन बाट रोकी देशमा नै रोजगारी र सेवामा समर्पित हुने अवश्था सिर्जना गर्नु पर्ने बताउनु भयो । विद्यालयका प्राचृार्य विनोदबाबु ढकालले विद्यालयको प्रतिवेदन पेश गर्नु भयो ।
साथमा विद्यालयका विद्यार्थीहरुको विभिन्न कला प्रस्तुती गरिएको थियो । शैक्षिक एवम् अतिरिक्त क्रियाकलपमा उत्कृष्ट हुने छात्रछात्राहरुलाई पुरस्कार तथा पदक प्रदान गरिएको थियो भने २०७४ को SEE मा GPA .4 ल्याइ नेपाल प्रथाम छात्रा सिरपा महजर्नलाई सम्मान पत्र र नगद सहित पुरस्कुत गरिएको थियो ।