स्वागतम्,
Friday 3rd May 2024   |   Switch to English
Times of Nepal

मर्दीखोलाका शवदहन गृह समुदायलाई हस्तान्तरण

सेयर गर्नुहोस

पोखरा, २२ पुस : यहाँको मुख्य पानीको स्रोत मर्दीखोला क्षेत्रमा निर्मित तीन शवदहन गृह स्थानीय समुदायलाई हस्तान्तरण गरिएको छ ।

पोखरा उद्योग वाणिज्य संघको अगुवाइमा सिदिङ, सैंतीघट्ट र खोराको मुखमा निर्मित शवदहन गृह प्रदेशसभाका नवनिर्वाचित सदस्य रामजी बरालले शुक्रबार स्थानीय उपभोक्ता समितिलाई हस्तान्तरण गर्नुभयो ।

शवदहन गृह निर्माणका लागि उद्योग वाणिज्य संघ, पोखरा लेखनाथ महानगरपालिका र नेपाल खानेपानी संस्थानले आर्थिक सहयोग प्रदान गरेका थिए । सार्वजनिक शौचालयसहित पानीको धारासहितको प्रत्येक शवदहन गृह निर्माणको लागत रु १० लाख ४२ हजार छ ।
शवदहन गृह निर्माणसँगै पोखरा आउने पानीको मुहानमा शव नजलाइने भएको छ । शवदहन गृह नदीको माथिल्लो भागमा बनाइएको तथा भष्म सेफ्टी ट्यांकी निर्माण गरी नदीमा पुग्न नदिने व्यवस्था मिलाइएको छ ।

मर्दीखोला क्षेत्रका ल्वाङ, रिभान, धिताल, लाहाचोक र सेती दोभानमा पनि शवदहन गृह निर्माण प्रक्रिया अगाडि बढेको उद्योग वाणिज्य संघका अध्यक्ष विश्वशंकर पलिखेले बताउनुभयो । उहाँका अनुसार उक्त क्षेत्रमा थप शवदहन गृह, सार्वजनिक शौचालय तथा लुगा धुने ठाउँ निर्माणका लागि पहल भइरहेको छ ।

कार्यक्रममा विभिन्न वक्ताले पोखराको खानेपानी मुहान शुद्ध नहँुदा दूषित पानी खानुपरेकाले शुद्ध खानेपानीका लागि मर्दी क्षेत्रमा विभिन्न कार्यक्रम सञ्चालन गर्नुपर्नेमा जोड दिनुभयो । (रासस)

सेयर गर्नुहोस

योगदानकर्ता

+रासस

- विचार -

- लोकप्रिय -

- नछुटाउनुहोस -

- अन्य मिडिया -