सेयर गर्नुहोस

चितवन, ८ मंसिर; नेकपा (माओवादी केन्द्र) का अध्यक्ष पुष्पकमल दाहालले स्थिर सरकारका लागि कम्युनिष्ट केन्द्र

नेता पौडेललाई पार्टीमा स्वागत

निर्माण गर्न लागिएको बताउनुभएको छ ।

योङ्ग कम्युनिष्ट लिग (वाइसियल) नेपाल र युवा संघ नेपालको चितवन क्षेत्र नं ३ को संयुक्त भेलालाई आज यहाँ सम्बोधन गर्दै उहाँले स्थिर सरकारले मात्रै युवालाई रोजगारीको अवसर सिर्जना गर्नसक्ने बताउनुभयो ।

अध्यक्ष दाहालले भन्नुभयो, “नेपाल जहिले पनि राजनीतिक स्थिरताको भूमरिमा प¥यो, धेरै सरकारले नेपालमा विकास र समृद्धिको पहल गर्न सकेनन् तर, पूर्व प्रधानमन्त्री मनमोहन, केपी ओली र मैले सरकारको नेतृत्व गर्दा केही नयाँ रेकर्ड बनाएका छौंँ, हाम्रो नेतृत्वका सरकारहरुले जनता र राष्ट्रको पक्षमा अरुभन्दा राम्रो काम गरेर रेकर्ड बनाएको छ ।”

योङ्ग कम्युनिष्ट लिग नेपाल र युवा संघ नेपाल चितवनले शुक्रबार चितवनको पार्वतीपुरमा आयोजना गरेको क्षेत्र –३ स्तरीय संयुक्त भेलामा नेकपा (माओवादी केन्द्र)का अध्यक्ष पुष्पकमल दाहाल ।

सत्तरी वर्षदेखि अस्थिरताको भूमरिमा परेको देशलाई स्थिरता दिने जिम्मेवारी हाम्रै काँधमा आएको भन्दै उहाँले भन्नुभयो– “हामीले नै देशको जिम्मा लिनुपर्छ, कम्युनिष्टहरुको बलियो एकताले मात्र बहुमतको सरकार दिनसक्छ, राजनीतिक स्थिरता दिनसक्छ ।” स्थिर सरकार बने मात्रै देश विकास र समृद्धिको बाटोमा अगाडि बढ्ने अध्यक्ष दाहालले बताउनुभयो ।

उहाँले स्वदेशमा रोजगारी दिन नसक्दा लाखाँैं युवा विदेशिएको बताउँदै केही आम्दानी भए पनि विदेशमा स्वाभिमानी भएर बाँच्न नसकेको धारणा व्यक्त गर्नुभयो ।

अध्यक्ष दाहालले भन्नुभयो– “खाडीमा नेपाली मजदुर पीडा र आतंकका बीचमा बाँचिरहेका छन् ।”

युवालाई उच्च मनोबलका साथ एक ढिक्का भई निर्वाचनमा होमिन आग्रह गर्दै उहाँले युवालाई योजनावद्ध रूपमा आक्रमक ढंगले अगाडि बढ्नुपर्नेमा जोड दिनुभयो ।