स्वागतम्,
Friday 3rd May 2024 | Switch to English
बुटवल, ६ मंसिर: नेपाली काँग्रेसका केन्द्रीय सदस्य तथा निर्वाचन परिचालन समितिका संयोजक बालकृष्ण खाँणले राष्ट्रियता, लोकतन्त्र र शान्ति प्रक्रियालाई मजबुत बनाउन नेपाली काँग्रेस बलियो हुनुपर्ने बताउनुभएको छ ।
निर्वाचन परिचालन समिति केन्द्रीय मतदान प्रशिक्षण समन्वय उपसमितिको आयोजनामा मंगलबार बुटवलमा भएको मतदान प्रशिक्षणमा उहाँले काँग्रेसको जनआधार र माहोल बनेको देखेकै कारण वाम गठबन्धन भएको हो भन्नुभयो ।
नेता खाँणले आसन्न प्रतिनिधि तथा प्रदेशसभा निर्वाचनमा प्रत्यक्षतर्फ ३८ प्रतिशत सिटमा नेपाली काँग्रेसले जित्ने दाबी गर्दै बदर मत रोक्न सके यो संख्या बढ्ने जिकिर पनि गर्नुभयो ।
प्रशिक्षणमा सहभागी ५ नम्बर प्रदेश अन्तर्गतका जिल्लाबाट सहभागी १७० जनालाई नेपाली काँग्रेस महाधिवेशन प्रतिनिधि अधिवक्ता अनिता शर्माले प्रशिक्षण दिलाउनुभएको केन्द्रीय मतदात प्रशिक्षण समन्वय उपसमितिका सदस्य कुलप्रसाद लामिछानेले बताउनुभयो । रासस
