स्वागतम्,
Friday 3rd May 2024 | Switch to English
भोजपुर, २५ कात्तिक: आगामी मंसिर १० गते हुने प्रदेशसभा र प्रतिनिधिसभा सदस्य निर्वाचनलाई लक्षित गरी भोजपुरमा ‘मतदाता शिक्षा’ तालीम प्रदान गरिएको छ ।
जिल्ला निर्वाचन कार्यालय भोजपुरद्वारा शुक्रबार यहाँ आयोजित उक्त तालीममा ७५ जना स्वयंसेवकको सहभागिता रहेको थियो ।
तालीमको पहिलो दिन ट्याम्के मैयुङ गाउँपालिका, साल्पासिलिच्छो गाउँपालिका, आमचोक गाउँपालिका र हतुवागढी गाउँपालिकाका सामाजिक परिचालकलाई तालीम दिइएको जिल्ला निर्वाचन कार्यालय भोजपुरले जनाएको छ ।
यसैगरी शनिवार भोजपुर नगरपालिका, षडानन्द नगरपालिका, अरुण गाउँपालिका र रामप्रसाद राई गाउँपालिकाका ७५ जना स्वयंसेवक गरी कुल १५० जनालाई सो तालीम दिइने जिल्ला निर्वाचन अधिकारी राजेन्द्रप्रसाद पोखरेलले बताउनुभयो ।
भोजपुरमा यसपटकको निर्वाचनमा ५५ हजार ५२९ महिला र ५८ हजार ३६२ पुरुष गरी कुल एक लाख १३ हजार ८९१ मतदाता सहभागी हुने छन् । रासस
