स्वागतम्,
Saturday 20th April 2024 | Switch to English
काठमाडौँ, २४ चैत : अस्पतालमा रगतको अभाव हुन थालेपछि नेपाल रेडक्रस सोसाइटी रक्त सञ्चार केन्द्रको आह्वानमा युवा सक्रिय भई रक्तदान गर्न थालेका छन् ।
अस्पतालमा जटिल शल्यक्रियामा रहेका बिरामीलाई रगत अभाव भएको समाचार सार्वजनिक भएपछि गोकर्णेश्वर नगरपालिका वडा नं १ र २ का युवाले आज चार स्थानमा रक्तदान कार्यक्रम आयोजना गरेका छन् ।
एकै ठाउँमा धेरैलाई जम्मा गर्दा कोरोना भाइरसको सङ्क्रमण फैलन सक्ने भएकाले चार ठाउँमा १०÷१० जनाले गरी ४० जनाले रक्तदान गरेका युवा अभियानकर्मी सुशील सिम्खडाले राससलाई जानकारी दिनुभयो ।
वडा नं १ को सुन्दरीजल, बाराहीचोक र बिपी चोक तथा वडा नं २ को नयाँपाटी चोकमा रक्तदान कार्यक्रम आयोजना गरिएको हो । चार स्थानको कार्यक्रमबाट ४० पिन्ट रगत सङ्कलन भएको छ । रगत सङ्कलनका लागि सोसाइटीको भक्तपुर शाखाको रक्तसञ्चार केन्द्रको समूह आएको जनाइएको छ ।
