स्वागतम्,
Thursday 28th March 2024   |   Switch to English
Times of Nepal

उपनिर्वाचनले पनि नेकपाको पक्षमा जनउभार ल्याउँछ : अध्यक्ष प्रचण्ड

Pushpa Kamal Dahal - The Times of Nepal - TON
सेयर गर्नुहोस

नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले राजनीतिक र राष्ट्रिय एकतालाई मजबुत बनाउने उद्देश्यका साथ आफूहरुले पार्टी एकता गरेको पुनःस्मरण गर्नुभएको छ । राष्ट्रिय युवा सङ्घको राष्ट्रिय भेलालाई आज सम्बोधन गर्दै उहाँले राष्ट्रिय आवश्यकताका आधारमा गरिएको एकतालाई जीवन्त बनाउन र आम जनताको बीचमा लैजान युवालाई आग्रह गर्नुभयो ।

उहाँले एकीकृत पार्टीलाई थप समृद्ध बनाएर लैजान युवा नेतृत्वले विशेष ध्यान दिनुपर्नेमा जोड दिँदै भन्नुभयो, “पार्टी र सरकारले अगाडि सारेको समाजवादको आधार तयार पार्ने अवधारणालाई वास्तविकरुपमा लागू गर्न प्रतिबद्ध भएर लाग्नुस् ।” जनताको जनतवाद र एक्साइसौँ शताब्दीको जनवादलाई थप परिमार्जन गरी नेपालको विशिष्ठतामा समृद्ध पार्दै लैजाने लक्ष्यका साथ तत्कालिक कार्यक्रमका रुपमा समाजवादउन्मुख जनताको जनवाद कार्यक्रम तय गरिएको अध्यक्ष प्रचण्डको भनाइ छ ।

संसारभरबाट नेपाललाई हेरिरहेको दृष्टान्त पेश गर्नुहुँदै उहाँले राष्ट्रिय अन्तरराष्ट्रिय परिवेशका आधारमा नेकपालाई थप परिस्कृत र विकसित बनाएर लैजाने सोचमा आफूहरु रहेको बताउनुभयो । उहाँले नेपालको प्राकृतिक स्रोत साधनलाई अधिकतम प्रयोग गर्ने, मानवीय स्रोत साधनको अधिकतम प्रयोग गरी भौतिक पूर्वाधारको विकासमा लागिपरेको बताउनुभयो । विकास निर्माणको कामले गति लिएको चर्चा गर्दै अध्यक्ष प्रचण्डले द्रत गतिको रेलमार्ग, खनिज स्रोतको विकास, श्रमको सम्मान गर्दै अगाडि बढ्नुपर्नेमा जोड दिनुभयो ।

सङ्घीय, प्रदेश र स्थानीय सरकार नेकपाको नै भएकाले युवालाई अब उत्पादनतर्फ केन्द्रित गरिने उल्लेख गर्दै अध्यक्ष प्रचण्डले भन्नुभयो, “विकास निर्माणको कामलाई अगाडि बढाउन मैले विगतदेखि भन्दै आएको उत्पादन बिग्रेड निर्माण गर्नुपर्छ ।” युवा स्वरोजगार कार्यक्रमलाई समेत युवाले विशेष ध्यान दिएर जान निर्देशन दिँदै उहाँले सडक निर्माण, श्रम शिविर सञ्चालन तथा अन्य व्यावसायिक काम शुरु गर्नसमेत ध्यानाकर्षण गराउनुभयो ।

उहाँले विचारको रक्षा, विकास, समाजवाद निर्माण गर्दै विश्व समुदायलाई एकीकृत गर्ने योजनाका साथ लाग्न युवा सङ्घलाई विशेष ध्यानाकर्षण गराउनुभयो । उहाँले वर्तमान सरकारले गरेको सकारात्मक कामलाई जनताको बीचमा लैजाँदै उपनिर्वाचनलाई नेकपाको पक्षमा पार्नसमेत उहाँले युवालाई निर्देशन दिनुभयो । उहाँले उपनिर्वाचनले नेकपाको पक्षमा नयाँ जनउभार ल्याउने भन्दै इमान्दार भएर परिचालित हुनसमेत आग्रह गर्नुभयो । उपनिर्वाचनले जनताका पक्षमा नै नेकपाको सरकारले काम गरिरहेको छ भन्ने तथ्य स्थापित गर्ने भएकाले निर्वाचनमा अनुशाासित भएर परिचालित हुन र नेकपाका उम्ेमदवारलाई विजयी गराउन आग्रह गर्नुभयो । अध्यक्ष प्रचण्डले भन्नुभयो, “आजसम्म प्राप्त भएको जानकारीअनुसार उपनिर्वाचन हुन लागेका करीब ८० प्रतिशत बढी स्थानमा नेकपाले जित हासिल गर्छ । त्यसलाई थप भव्यरुपमा सफल बनाउन युवा सङ्घको भूमिका महत्वपूर्ण छ ।” कार्यक्रममा प्रधानमन्त्री एवं नेकपा अध्यक्ष केपी शर्मा ओली र अर्का अध्यक्ष प्रचण्ड तथा तत्कालीन युवा सङ्घ नेपाल र वाइसिएल नेपालका नेतालाई सम्मान गरिएको थियो ।

सेयर गर्नुहोस

योगदानकर्ता

+द टाइम्स अफ नेपाल

- विचार -

- लोकप्रिय -

- नछुटाउनुहोस -

- अन्य मिडिया -