कर्णालीमा १५ नयाँ कुष्ठरोगी

कर्णालीमा १५ नयाँ कुष्ठरोगी


कर्णाली प्रदेशमा तीन महिनाको अवधिमा १५ जना नयाँ कुष्ठ रोगी भेटिएका छन् । यो सङ्ख्या गत वर्षको भन्दा बढी हो । कुष्ठ रोग निवारणको घोषणा भए पनि कुष्ठ रोगीको सङ्ख्या बर्सेनि फेला परेका छन् ।

सुर्खेतस्थित साइनिङ अस्पतालमा आएका बिरामीमध्ये कर्णाली प्रदेशका १४ र अछाम जिल्लाका एक जना कुष्ठ रोगका नयाँ बिरामी फेला परेका हुन् । “विगतका आर्थिक वर्षभन्दा यो वर्षको शुरूमै कुष्ठ रोगका नयाँ बिरामीको सङ्ख्या केही बढी देखिएको छ”, साइनिङ अस्पताल सुर्खेतका प्रमुख मङ्गल थारूले भन्नुभयो, “यसले वर्षभरि नै यही दरमा नयाँ बिरामी बढ्छन् भन्ने आकलन चाहिँ होइन ।”

Advertisement

उहाँका अनुसार अस्पतालको बहिरङ्ग सेवा विभाग (ओपिडी) मा आएका तीन हजार ८६२ छालाका बिरामीमध्ये सबैभन्दा बढी सुर्खेतका ६ जनामा कुष्ठ रोग देखिएको छ । यसैगरी दैलेखका चार, जाजरकोटका दुई र कालीकोटका दुई गरी १४ जना कर्णाली प्रदेशका र सुदूरपश्चिम प्रदेशको अछाम जिल्लाका एक जनामा यसको सङ्क्रमण देखिएको छ ।

गत आवमा ५६ जना नयाँ बिरामी देखा परेकोमा १० जनामा सर्ने खालका रोग भेटिएको उहाँले जानकारी दिनुभयो । अहिलेकै दरमा पछिल्ला चैमासिकमा समेत बिरामीको सङ्ख्या भेटिने हो भने यो आवमा कर्णाली प्रदेशमा कुष्ठ रोगीको सङ्ख्या बढ्ने निश्चित भएको उहाँको भनाइ छ । विगतको तुलनामा बढी देखिए पनि खासै आत्तिनुपर्ने अवस्था भने नरहेको स्वास्थ्य सेवा निर्देशनालय कर्णाली प्रदेशका क्षय÷कुष्ठ रोग अधिकृत पदम केसीले जानकारी दिनुभयो ।

कर्णालीका दूरदराजमा पुरातनवादी सोचका कारण अझै रोगलाई लुकाएर बस्ने चलन कायमै रहेको केसीको भनाइ थियो । सरकारी तथ्याङ्कमा कर्णालीका १० वटै जिल्लामा कुष्ठ रोगको अवस्था स्थिर रहेको उहाँको भनाइ थियो । “हाम्रो प्रदेशमा कुष्ठ रोगीको अवस्था बढेको पनि छैन, उल्लेख्यरूपमा घटेको पनि छैन”, उहाँले भन्नुभयो ।

User Avatar
रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

तपाईको प्रतिक्रिया दिनुहोस्

प्रतिक्रिया दिने पहिलो व्यक्ति हुनुहोस् ।

जवाफ दिनुहोस

Your email address will not be published.

सम्बन्धित पोस्टहरू

भिडियो

छुट्यो कि?