काङ्ग्रेसको वक्तव्य भ्रमपूर्ण छ

काङ्ग्रेसको वक्तव्य भ्रमपूर्ण छ


Nepali Congress, NC

सत्तारुढ नेपाल कम्युनिष्ट पार्टी (नेकपा) ले ऋषिङ गाउँपालिकामा आइतबार भएको घटनाको सम्बन्धमा नेपाली काङ्ग्रेसको जिल्ला र केन्द्रले जारी गरेको वक्तव्य भ्रमपूर्ण र अतिरञ्जित भएको आरोप लगाएको छ ।

पार्टी कार्यालयमा आज पत्रकार सम्मेलन गरी नेकपाले घटनाको वास्तविक अवस्था र तथ्यलाई पन्छाएर नेपाली काङ्ग्रेसबाट जारी भएको भ्रमपूर्ण वक्तव्यको खण्डन गरेको हो ।

Advertisement

ऋषिङ गाउँपालिकाको भवन शिलान्यास गर्न जाने क्रममा पार्टीका केन्द्रीय सदस्य तथा पूर्वमन्त्री डा मीनेन्द्र रिजाललाई स्थानीय जनताहरुले शान्तिपूर्ण रुपमा बाटो छेकी जनताको भावना विपरीत गाउँपालिकाको केन्द्र सार्ने निर्णय गरेकाले भवनको शिलान्यास नगर्न अनुरोध गरिएको विषयलाई पूरै ढाकछोप गरी नेपाली काङ्ग्रेसले आफ्ना नेतामाथि नेकपाका कार्यकर्ताले ढुङ्गामूढा र आक्रमण गरेको भनि लगाएको दाबी पूरै झुटो र भ्रामक रहेको जनाएको छ ।

पत्रकार सम्मेलनमा नेकपाका जिल्ला सचिव राजेन्द्रकेशरी न्यौपानेले आम जनताको भावनालाई कुल्चदै जबर्जस्ती पालिका भवन शिलान्यासको लागि गएका काङ्ग्रेस नेता र जनताहरुको बीच बाटोमा भेट भई अनुरोध गरेको विषयलाई आक्रमण नै गरेको भन्ने दाबी पूरै असत्य भएको बताउनुभयो ।

शिलान्यास कार्यक्रमको विरोधमा सङ्घर्ष समितिले ऋषिङ बन्द कार्यक्रम आयोजना गरेको अवस्थामा सो बन्दको अवज्ञा नगर्न र विवादबीच भवन शिलान्यास नगर्न अनुरोध गरिएकोमा सांसदसमेत रहेको पूर्वमन्त्री रिजालले कुनै हालतमा भवन शिलान्यास गरेरै छाड्ने बालहठ देखाएको नेकपाका सचिव न्यौपानेले आरोप लगाउनुभयो ।

User Avatar
रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

तपाईको प्रतिक्रिया दिनुहोस्

प्रतिक्रिया दिने पहिलो व्यक्ति हुनुहोस् ।

जवाफ दिनुहोस

Your email address will not be published.

सम्बन्धित पोस्टहरू

भिडियो

छुट्यो कि?