समुदायको चासो भएमा सामुदायिक विद्यालयको विकास हुन्छः नेता नेपाल समुदायको चासो भएमा सामुदायिक विद्यालयको विकास हुन्छः नेता नेपाल



२४

नेकपाका वरिष्ठ नेता माधवकुमार नेपालले शैक्षिक गुणस्तर विकासका लागि शिक्षकको भूमिका ठूलो हुने बताउँदै उनीहरुलाई आफ्नो कर्तव्यप्रति चनाखो हुन आग्रह गर्नुभएको छ । गुह्येश्वरी मावि, कामपा–९, सिनामङ्गलद्वारा आज आयोजित दशैँतिहार शुभकामना तथा सम्मान कार्यक्रमलाई सम्बोधन गर्दै नेता नेपालले समुदायको चासो भएमा मात्र सामुदायिक विद्यालयको विकास हुने कुरा गुहेश्वरी माविको प्रगतिबाट आफूले थाहा भएको बताउन्ुभयो । आव २०७५ । ७६मा सो माविको व्यवस्थापन काठमाडौँ महानगरका सामुदायिक विद्यालयमध्ये उत्कृष्ट घोषित भई व्यवस्थापन समितिका अध्यक्ष डिपी अर्याल हालै सम्मानित हुनुभएको थियो । सो अवसरमा पूर्वप्रधानमन्त्री नेपालले उक्त विद्यालयको भौतिक सुधारका लागि सांसद विकास कोषबाट रु ३० लाख दिने घोषणा गर्नुभयोे ।
कार्यक्रममा नेपाल नागरिक समाज र ट्रान्सपरेन्सी इण्टरनेशनल नेपाल शाखाका अध्यक्ष खेमराज रेग्मीले सो सामुदायिक विद्यालयको शैक्षिक र भौतिक प्रगति सन्तोषजनक रहेको आफूले नजीकैबाट पाएको बताउनुभयो । विद्यालय व्यवस्थापन समितिका अध्यक्ष अर्यालले शिक्षकहरु आफ्नो कर्तव्यप्रति बढी नै सचेत हुनुपर्ने बताउँदै आगामी दिनमा मुलुककै नमुना सामुदायिक विद्यालय बनाइने प्रतिबद्धता व्यक्त गर्नुभयो । सो अवसरमा नेपाली काँग्रेसका युवा नेता उपेन्द्र कार्की, कामपा–९ का वडाध्यक्ष रामकृष्ण श्रेष्ठ, प्रधानाध्यापक मेघबहादुर बञ्जारालगायतले सामुदायिक विद्यालयको गुणस्तरबारे मन्तव्य राख्नुभएको थिो ।
कार्यक्रममा विद्यालयमा दीर्घ सेवा गरेका शिक्षक दुर्गा जोशी र करुणा आचार्यलाई सम्मान गरिएको थियो भने अतिरिक्त क्रियाकलापका विजेतालाई समाजसेवी बद्री आचार्यद्वारा स्थापित रु तीन लाखको अक्षयकोषबाट प्राप्त ब्याजबाट पुरस्कार वितरण गरिएको थियो । इसिडीदेखि दश जोड दुईसम्म अध्ययनअध्यापन हुने सो विद्यालयमा ५२ शिक्षक र एक हजार २५० विद्यार्थी अध्ययनरत छन् । सो अवसरमा आकर्षक सांस्कृतिक कार्यक्रम पनि प्रस्तुत गरिएको थियो ।


User Avatar
RSS रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

विचार/ब्लग

भिडियो

छुट्यो कि