विकासमा निजी क्षेत्रको सहभागिता आवश्यक

विकासमा निजी क्षेत्रको सहभागिता आवश्यक


उपप्रधानमन्त्री एवं स्वास्थ्य तथा जनसङ्ख्यामन्त्री उपेन्द्र यादवले निजी क्षेत्रको सहभागिताबिना मुलुकको समृद्धि सम्भव नहुने बताउनुभएको छ । सरकारी–निजी साझेदारी अवधारणाबाट मात्रै विकास र समृद्धि प्राप्त हुने उहाँको भनाइ छ ।

उद्योग वाणिज्य सङ्घ पश्चिम नवलपरासीले आज परासीमा गरेको स्वागत कार्यक्रममा उपप्रधानमन्त्री यादवले भन्नुभयो,“सरकारले त आर्थिक विकासको बाटो खोल्दिने हो, निजी क्षेत्रसँगको साझेदारीबिना सरकार एक्लैले समृद्धि ल्याउन सक्दैन्, निजी–सरकारी साझेदारीबाटै मुलुकको विकास गर्नुपर्छ ।”

Advertisement

मन्त्री यादवले स्वदेशी व्यवसायी उत्साहित नभई विदेशी लगानी पनि नभित्रिने भएकाले लगानीको वातावरण बनाउन सरकार प्रतिबद्ध रहेको उल्लेख गर्नुभयो । “उद्योग व्यापार वृद्धि नभई रोजगारी बढ्दैन, राज्यको आय पनि बढ्दैन, गरीबी पनि घट्दैन्, लगानीको वातावरण र करको दायरा फराकिलो बनाउन हामी छलफल गर्छाैँ” उहाँले भन्नुभयो ।

अर्काे प्रसङ्गमा उपप्रधानमन्त्री यादवले नेपालीसँग विवाह गर्ने विदेशी महिलालाई सात वर्षपछि नागरिकता दिने नीतिमा आफूहरुको असहमति रहेको बताउनुभयो । मन्त्री यादवले सीमा क्षेत्रको विकासलाई प्राथमिकता दिनुपर्ने बताउँदै भारतीय सवारी साधनमा कडाइ गरिएको विषयमा पुनःविचार आवश्यक रहेको धारणा व्यक्त गर्नुभयो ।

मन्त्री यादवले सुनवलमा अस्पताल बन्ने निश्चित भइसकेको र बजेट पनि पठाएको उल्लेख गर्दै राजमार्ग क्षेत्रमा ट्रमा सेन्टर स्थापनाका लागि सोच्न सकिने बताउनुभएको थियो ।

सो अवसरमा नवलपरासी उद्योग वाणिज्य सङ्घका जिल्ला अध्यक्ष केशव भण्डारीले परासीमा रहेको पृथ्वीचन्द्र अस्पताललाई सुविधा सम्पन्न बनाउनुपर्ने, सुनवल नगरपालिका–८ मा स्वास्थ्यचौकीलाई स्तरोन्नति गरी १५ श्याको अस्पताल बनाउँदा सबै नगरवासीलाई अपायक हुने हुँदा उपयुक्त स्थान वडा नं ५ वनकट्टीमा उक्त अस्पताल बनाउनुपर्ने वा ट्रमा सेन्टरको लागि स्वीकृति दिनुपर्ने, नवलपरासीमा सुविधा सम्पन्न शिक्षण अस्पतालको लागि पहल गरिदिन आग्रह गर्नुभएको थियो ।

उहाँले महेशपुर भन्सारमा पूर्वाधार अभावको समस्या रहेको जानकारी गराउँदै आवश्यक पहलका लागि पनि ध्यानाकर्षण गराउनुभएको थियो ।

User Avatar
रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

तपाईको प्रतिक्रिया दिनुहोस्

प्रतिक्रिया दिने पहिलो व्यक्ति हुनुहोस् ।

जवाफ दिनुहोस

Your email address will not be published.

सम्बन्धित पोस्टहरू

भिडियो

छुट्यो कि?