जनप्रतिनिधिहरु सुविधाभोगी नहुनुस् जनप्रतिनिधिहरु सुविधाभोगी नहुनुस्


lal-babu-pundit-minester
३६

३२ साउन :सङ्घीय मामिला तथा सामान्य प्रशासनमन्त्री लालबाबु पण्डितले जनप्रतिनिधिहरुलाई सुविधाभोगी नबन्न आग्रह गर्नुभएको छ । जिल्ला वडा सङ्घ बागलुङको प्रथम प्रारम्भिक भेलालाई आज सम्बोधन गर्दै उहाँले अत्यावश्यक र न्यूनतम सुविधा लिएर जनताको सेवामा खट्न आग्रह गर्नुभयो ।

“जनताभन्दा माथि हामी कोही छैनौँ, जनतालाई हामीले भगवान् मानेर आएको हो”, उहाँले भन्नुभयो, “भगवान्लाई नै पन्छाएर अगाडि बढ्यौँ भने हामीले कसलाई पूज्ने ?” जनभावनाको कदर गर्न नसके आफ्नै राजनीतिक भविष्य समाप्त हुने मन्त्री पण्डितको भनाइ छ ।



जनप्रतिनिधिले विकास र सेवा प्रवाहलाई चुस्त तथा प्रभावकारी बनाउन सके मात्र स्थानीय तह सफल हुने उहाँको धारणा थियो । स्थानीय तहलाई भौतिक र प्रशासिनक रुपले थप सशक्त बनाइने मन्त्री पण्डितले बताउनुभयो ।

भाडाका भवनबाट सञ्चालित हुनुपर्ने स्थानीय तहको बाध्यता हट्ने उहाँको भनाइ छ । मन्त्री पण्डितले स्थानीय तहका सहित सबै निजामती कर्मचारीको क्षमता विकासका लागि केन्द्र र सातै प्रदेशमा स्थानीय प्रशिक्षण प्रतिष्ठान खोल्ने तयारी भएको बताउनुभयो ।
उहाँले थप विज्ञापन खोल्नका लागि तयारी अगाडि बढेको उल्लेख गर्नुभयो । भेलामा जिल्लाका ८५ वटै वडाका अध्यक्षलगायत जनप्रतिनिधिको सहभागिता छ । भेलाले जिल्ला वडा सङ्घको प्रारम्भिक समिति गठन गर्ने जनाइएको छ ।


User Avatar
RSS रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

विचार/ब्लग

भिडियो

छुट्यो कि