मुख्यमन्त्री पौडेलद्वारा कृषिउद्यम अवलोकन

मुख्यमन्त्री पौडेलद्वारा कृषिउद्यम अवलोकन


प्रदेश नं ३ का मुख्यमन्त्री डोरमणि पौडेलले मकवानपुरगढी गाउँपालिका तथा हेटौँडाका विभिन्न कृषिउद्यमको अनुगमन तथा अवलोकन गर्नुभएको छ । अवलोकनका क्रममा मुख्यमन्त्री पौडेलले स्थानीय किसानसँग छलफलसमेत गर्नुभयो ।

मुख्यमन्त्रीसमक्ष किसानले आफूले भोग्दै आएका समस्या सुनाएका थिए । जवाफमा मुख्यमन्त्री पौडेलले किसानका तमाम समस्या समाधान गर्न प्रदेश सरकार तयार रहेको धारणा राख्नुभयो । अवलोकनपछि मुख्यमन्त्री पौडेलले मकवानपुरगढी गाउँपालिकाले आधुनिक कृषि प्रणाली अवलम्बन गरेर समृद्धिको मार्ग लिएको धारणा राख्नुभयो ।

Advertisement

किसानले लगाएको विभिन्न प्रजातिको घाँस, गाईपालन केन्द्र, दुग्ध सङ्कलन केन्द्र अवलोकन गर्दै मुख्यमन्त्री पौडेलले गढी गाउँपालिका आफूले विगतमा देखेको र हाल सोचेकोभन्दा निक्कै नै समृद्ध पाएको बताउनुभयो । अवलोकनका क्रममा मुख्यमन्त्री पौडेलले मकवानपुरगढी–३ मा रहेको दाहाल कृषि तथा पशुपालन फारम, सोही वडाको सुजल गाई फार्म, देवीडाँडा गाई फार्म, मनकामना दुग्ध उत्पादक सहकारी संस्था तथा हेटौँडा–६ मा रहेको मञ्जुश्री आधुनिक फूल एवं तरकारीखेतीमा पुग्नुभएको थियो ।

User Avatar
रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

तपाईको प्रतिक्रिया दिनुहोस्

प्रतिक्रिया दिने पहिलो व्यक्ति हुनुहोस् ।

जवाफ दिनुहोस

Your email address will not be published.

सम्बन्धित पोस्टहरू

भिडियो

छुट्यो कि?