मिडियाले अग्रगमन, सुशासन र विकासलाई साथ दिनुपर्छ : मन्त्री बाँस्कोटा

मिडियाले अग्रगमन, सुशासन र विकासलाई साथ दिनुपर्छ : मन्त्री बाँस्कोटा


Gokul Baskota, Minister of Communications - The Times Of Nepal

२० साउन :सञ्चार तथा सूचना प्रविधिमन्त्री गोकुलप्रसाद बाँस्कोटाले मिडियाले अग्रगमन, सुशासन र विकासलाई साथ दिनुपर्ने बताउनुभएको छ ।

आर के मिडिया नेटवर्क प्रालिद्वारा सञ्चालित कलर्स एफएम १०२.४ मेगाहर्जको आज उद्घाटन गर्दै उहाँले मिडियाले सामाजिक उत्थान र परिवर्तनको अभियन्ताको दायित्व निर्वाह गर्नुपर्ने बताउनुभयो । गणतन्त्र आए पनि विभेदका कारण आम जनताले गणतन्त्रको अनुभूति गर्न नपाएका कारक विरुद्धको मोर्चाको नेतृत्व गर्नुपर्ने आवश्यकतामा जोड दिँदै उहाँले पत्रकारितालाई शुद्धीकरण गर्दै देश, समाज, लोकतन्त्र र निमुखा जनताका हितका पक्षमा उभिनु जरुरी भएको धारणा राख्नुभयो ।

Advertisement

मन्त्री बाँस्कोटाले भन्नुभयो, “पत्रकारिता हुनेखानेका लागि र व्यापारका लागि गर्ने मनोविज्ञानको अन्त्य गर्नुपर्दछ ।” उहाँले एफएमबाट प्रसारण हुने सामग्री कानमा गुञ्जिने र मनमा छाप पार्ने हुनुपर्नेमा जोड दिँदै मनको ढुकढुकी बन्न जनताको चेतना स्तर वृद्धि, आवश्यकता र जीवनोपयोगी सामग्री उत्पादनमा ध्यान केन्द्रित गर्नुपर्ने बताउनुभयो ।

सरकारले पत्रपत्रिकाको विकासका लागि लोककल्याणकारी विज्ञापनको प्रतिशतमा वृद्धि र श्रमजीवीका लागि पारिश्रमिकमा वृद्धि गरेको उल्लेख गर्दै उहाँले यसबाट आगामी दिनमा सकारात्मक परिवर्तनका परिणाम देखिने विश्वास व्यक्त गर्नुभयो । उहाँले सरकारले राष्ट्र र जनताका पक्षमा दिनदिनै नयाँ नयाँ काम गरिरहेकाले आउने दिनमा समृद्धिको तीव्रताबाट राष्ट्र र जनताको मुहार हँसिलो देख्न पाइने धारणा राख्नुभयो ।

पूर्वमन्त्री यदुवंश झाले वर्षौंदेखि पत्रकारिता गरिरहेका पत्रकारको जीवन निर्वाहका लागि वृत्तिविकास कोषको व्यवस्था सरकारले गर्नुपर्ने खाँचो औँल्याउनुभयो । एफएमका प्रबन्ध निर्देशक रूपेशकुमार सिंहले सञ्चार गृहको विकासका लागि सरकारले सोच्नुपर्नेमा जोड दिनुभयो । नेकपाका केन्द्रीय सदस्य श्रीप्रसाद साह र योगनारायण यादव, समाजसेवी गङ्गाप्रसाद यादव र साहित्यकार परमेश्वर कापडीले एफएमहरूले ज्ञानवद्र्धक सामग्री प्रसारण गर्नु जरूरी रहेको धारणा व्यक्त गर्नुभयो ।

User Avatar
रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

तपाईको प्रतिक्रिया दिनुहोस्

प्रतिक्रिया दिने पहिलो व्यक्ति हुनुहोस् ।

जवाफ दिनुहोस

Your email address will not be published.

सम्बन्धित पोस्टहरू

भिडियो

छुट्यो कि?