सर्मी गाउँमा एक घर एक धारा सर्मी गाउँमा एक घर एक धारा



३५

जुम्लाको तातोपानी गाउँपालिका–७ सर्मी गाउँमा एक घर एक धारा विस्तार भएको छ । कूल रु ३५ लाखको लागतमा खानेपानी आयोजना सम्पन्न भएपछि सर्मीका सबै घरमा धाराको पहुँच पुगेको हो ।
कर्णाली प्रदेश सरकारको रु २५ लाख र गाउँपालिकाको रु १० लाखको लागतमा खानेपानी आयोजना सम्पन्न भई सञ्चालनमा आएको सर्मी ठूली गौरा खानेपानी उपभोक्ता समितिका अध्यक्ष मुनबहादुर कँुवरले जानकारी दिनुभयो ।
कूल १५७ घरधुरी भएको सर्मीमा अहिले घरघरमा बालमैत्री धारा छन् । दुई दशक अघिदेखि जम्मा चार धाराको भरमा बाँच्दै आएका यहाँका बासिन्दा अहिले घरघरमा धारा पुगेपछि खुशी भएका छन् ।
विसं २०५८ मा गाउँमा निर्माण गरिएका चारवटा धाराको पनि मर्मत नहुँदा जीर्ण बनिसकेका थिए । “गाउँमा सबैभन्दा ठूलो दुःख पानीकै थियो, अब दुःख टर्ने भयो” अध्यक्ष कँुवरले भन्नुभयो ।
यसपटक मुहानदेखि घरसम्म दीर्घकालसम्म टिकाउ हुनेगरी निर्माण खानेपानी पाइपको विस्तार गरिएको छ । “पहिले अधिकांश समय पानीको जोहो गर्नमै बित्थ्यो । बालबालिका कतिपय दिनमा विद्यालय जानबाट समेत बञ्चित हुने गरेका थिए” अध्यक्ष कँुवरले भन्नुभयो ।
प्रत्येक घरमा धारा पुगिसकेकाले अब गाउँलेकोे जीवनशैली नै परिवर्तन हुने स्थानीयवासीको भनाइ छ । ‘‘आगनमै धारो पुगेपछि अब पानीकै लागि चिन्ता गर्नुपर्ने दिन गए, स्थानीय रामदेवी कुँवरले भन्नुभयो ।”


User Avatar
RSS रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

विचार/ब्लग

भिडियो

छुट्यो कि