सभ्य समाज निर्माणमा सङ्घसंस्थाको भूमिका महत्वपूर्ण : मुख्यमन्त्री गुरुङ सभ्य समाज निर्माणमा सङ्घसंस्थाको भूमिका महत्वपूर्ण : मुख्यमन्त्री गुरुङ


Trending news, Nepal
१६

गण्डकी प्रदेशका मुख्यमन्त्री पृथ्वीसुब्बा गुरुङले मुलुकको समृद्धि र सभ्य समाज निर्माणमा सामाजिक सङ्घ संस्थाको महत्वपूर्ण भूमिका रहने बताउनुभएको छ ।

रोटरी क्लब अफ पोखरा अन्नपूर्ण शाखाको १५औँ पदस्थापन समारोहको उद्घाटन समारोहमा उहाँले गरीब र विपन्न वर्गको उत्थानलाई प्राथमिकतामा राख्नुपर्ने आवश्यकता औँल्याउनुभयो ।



गण्डकी प्रदेशमा अहिले पनि २८ प्रतिशत जनता निरक्षर रहेको र कतिपय साक्षरले समेत आधुनिक प्रविधिको भरपुर उपयोग गर्न नसक्ने बताउँदै उहाँले त्यस्ता वर्गलाई अक्षित गरी कार्यक्रम सञ्चालन गर्नुपर्नेमा जोड दिनुभयो ।

सामुदायिक विद्यालयको शिक्षालाई गुणस्तरीय बढाउन चुनौती रहेको उल्लेख गर्दै मुख्यमन्त्री गुरुङले गुणस्तरीय शिक्षाका लागि सामूहिक प्रयास आवश्यक रहेको बताउनुभयो ।

कार्यक्रममा यस वर्षको रोटरी क्लब अफ पोखरा अन्नपूर्ण सामाजिक सम्मानबाट पोखरा १७ छोरेपाटनमा सञ्चालित मानवसेवा आश्रमलाई सम्मान गरिएको छ । मुख्यमन्त्री गुरुङले आश्रमका जिल्ला अध्यक्ष होमनाथ तिमिल्सिनालाई सम्मान पत्रले सम्मान गर्नुभयो ।

क्लबका अध्यक्ष रामचन्द्र शर्माले समाजको शिक्षा, स्वास्थ्य, खानेपानी लगायतका आधारभूत आवश्यकतासहित समाजका विपन्न वर्गको उत्थानमा जोड दिइने लक्ष्य रहेको जानकारी दिनुभयो ।

क्लबका निवर्तमान अध्यक्ष सुरेशकुमार ध्वजुले संस्थाले एक वर्षको अवधिमा वातावरण, सरसफाइका साथै शिक्षा, स्वास्थ्यको क्षेत्रमा महत्वपूर्ण भूमिका निर्वाह गर्दै आएको बताउनुभयो ।


User Avatar
RSS रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

विचार/ब्लग

भिडियो

छुट्यो कि