मल उपलब्ध गराउन माग गर्दै धर्ना मल उपलब्ध गराउन माग गर्दै धर्ना


रासायनिक मल

नेपाली काङ्ग्रेसले आइतबार कैलालीका १३ वटै स्थानीय तहमा एक घण्टा धर्ना कार्यक्रम गरेको छ । सरकारले किसानलाई मल र बीउ उपलब्ध गराउन नसकेको भन्दै धान दिवसकै दिनमा नेपाली काङ्ग्रेसले स्थानीय तहमा धर्ना दिएर सरकारलाई दबाब दिएको हो ।

धान रोपाइँ गर्ने बेला मल र बीउको चरमा अभाव भएको जानकारी गराउँदै यथाशीघ्र समस्या समाधान गर्न सङ्घ र प्रदेश सरकारलाई स्थानीय तह प्रमुखमार्फत ज्ञापनपत्र पनि बुझाइएको छ । टीकापुरमा नेपाली काङ्ग्रेसका नगरसभापति धनराज उपाध्यायले नगरपालिकाका प्रमुख तपेन्द्रबहादुर रावललाई र जानकी गाउँपालिकामा क्षेत्रीय सचिव शुभनाथ देवकोटा र सभापति लक्ष्मीप्रसाद खनालले गाउँपालिकाका अध्यक्ष प्रदीप चौधरीलाई ज्ञापनपत्र बुझाउनुभएको हो ।

यो पनि छुटाउनु भयो कि ?


यसैगरी ज्ञापनपत्रमा किसानलाई सहज ढङ्गले मल र बीउ उपलब्ध गराउन सङ्घीय र प्रदेश सरकारसँग माग गरिएएको छ । टीकापुरमा भएको धर्ना कार्यक्रमलाई सम्बोधन गर्दै नेपाली काङ्ग्रेसका महासमिति सदस्य फकिरसिंह कडायतले मानो रोपेर मुरी उमार्ने बेला मल र बीउ नपाउनु दुखद् भएको बताउनुभयो । नेपाली काङ्ग्रेसले राष्ट्रिय धान दिवसको अवसर पारेर वर्षेनी धान रोपाइँ गर्दै आएको भए पनि यसवर्ष विरोधस्वरुप धर्ना कार्यक्रम गरेको हो ।


User Avatar
RSS रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

विचार/ब्लग

भिडियो / टीभी

यो पनि पढ्नुहोस