एक मेगावाट क्षमताको विद्युत् शिलान्यास एक मेगावाट क्षमताको विद्युत् शिलान्यास



कर्णाली प्रदेशको जुम्ला पातारासी गाउँपालिका–१ गडीगाउँस्थित एक मेगावाट क्षमताको जलविद्युत् शिलान्यास गरिएको छ । चुकेनी खोला विद्युत् सहकारी संस्थाअन्तर्गत निर्माण हुन लागेको ९९८ किलोवाट (करीब एक मेगावाट)को चुकेनी खोला साना जलविद्युत् आयोजना कर्णाली प्रदेश सरकारका आन्तरिक मामिला तथा कानूनमन्त्री नरेश भण्डारीले बिहीबार शिलान्यास गर्नुभएको हो ।

सो अवसरमा उहाँले दुर्गमका जनताका लागि उत्पादित विद्युत् कोसेढुङ्गा सावित हुने बताउनुभयो । “विद्युत् पूर्वाधारको सबैभन्दा महत्वपूर्ण आधार हो, यसले अब जुम्लालाई अँध्यारो युगबाट मुक्त गराउने छ”, उहाँले भन्नुभयो । वैकल्पिक ऊर्जा प्रवद्र्धन केन्द्रले शुरु गरेको नेपालकै पहिलो जलविद्युत् आयोजनाले यहाँका नागरिकको आर्थिक स्थितिमा अपेक्षित सुधार आउने उहाँको भनाइ थियो । तिलानदीमा खेर गइरहेको पानी यहाँको जनताको अथक प्रयास र लगानीले अब माग्ने नभई दिनेमा परिणत गरिदिएको उहाँको तर्क थियो ।

यो पनि छुटाउनु भयो कि ?


चुकेनी खोला विद्युत् सहकारी संस्थाका अध्यक्ष गोरबहादुर बुढाले सरकारले मूल्य अभिवृद्धिमा छुट दिएकाले आयोजनाको लागत रु ४७ करोड पुगेको बताउनुभयो । “छ वर्षको निर्वाध प्रयासले उक्त विद्युत् आयोजनाको शिलान्यास गर्न सफल भइएको छ”, अध्यक्ष बुढाले भन्नुभयो, “अब एक वर्ष छ महीनामा यसलाई सम्पन्न गराइछाड्छौँ ।”

अध्यक्ष बुढाका अनुसार सो आयोजना निर्माणका लागि एशियाली विकास बैंकको रु २८ करोड ४४ लाख ३० हजार लगानी छ । त्यस्तै, स्थानीयवासीको रु दुई करोड ६० लाख तथा गाउँपालिकाको रु ३० लाख शेयर लगानी, समितिको नाममा कृषि विकास बैंक जुम्लाबाट रु पाँच करोड ऋण, प्रदेश सरकारको रु एक करोड र दलित जनजातिलाई थप अनुदानवापत रु २८ लाख २८ हजार प्राप्त भएको छ । प्राविधिक सहयोग वैकल्पिक ऊर्जा प्रवद्र्धन केन्द्रको रहेको उहाँले बताउनुभयो ।

मूलतः यसरी निर्माण हुन थालेको जलविद्युत् कर्णालीमा अहिलेसम्मकै सबैभन्दा ठूलो आयोजना हो । आयोजनाबाट पातारासी, गुठीचौर गाउँपालिका तथा चन्दननाथ नगरपालिकाका करीब ४९ हजार ३६८ जनसङ्ख्या लाभाविन्त हुने जनाइएको छ ।


User Avatar
द टाइम्स अफ नेपाल
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

विचार/ब्लग

भिडियो / टीभी

यो पनि पढ्नुहोस