सबै खालको गरीबीको अन्त्य गर्नुपर्छ : मन्त्री अर्याल सबै खालको गरीबीको अन्त्य गर्नुपर्छ : मन्त्री अर्याल



१४

भूमि व्यवस्था, सहकारी तथा गरीबी निवारणमन्त्री पद्माकुमारी अर्यालले समृद्ध नेपाल बनाउन सबैखाले गरीबीको अन्त्य गर्नुपर्ने बताउनुभएको छ ।

अखिल नेपाल किसान महासङ्घले यहाँ आज आयोजना गरेको ‘दक्षिण एशिया लैङ्गिक संवेदनशील मूल्य शृङ्खला’सम्बन्धी दक्षिण एशियाली क्षेत्रीय परामर्श कार्यशालामा उहाँले सरकार ‘समृद्ध नेपाल, सुखी नेपाली’ मूल लक्ष्य लिएर सरकार अगाडि बढिरहेकाले सबै प्रकारका गरीबीबाट मुक्त नेपाल बनाउने अभियानमा रहेको बताउनुभयो ।



“गरीबी निवारण सबै क्षेत्रसँग सम्बन्धित विषय भएकाले सरकार, सहकारी र निजी तथा विकास साझेदारसँग समन्वय र एकीकृत प्रयासबाट गरीबी निवारणका चुनौती पार गर्न सकिनेमा विश्वस्त छौँ”, उहाँले भन्नुभयो ।

ग्रामीण क्षेत्रका महिला अहिले पनि राज्यका सेवा सुविधाबाट बञ्चित रहेको भन्दै उहाँले महिलाका सशक्तीकरण र लैङ्गिक समानता नै खाद्य कृषि सङ्गठनको समग्र लक्ष्य गरीबी न्यूनीकरण तथा खाद्य सुरक्षाको मर्म हुने बताउनुभयो । मन्त्री अर्यालले समाजमा व्याप्त गरीबी र भोकमरी अन्त्य गर्न कृषि, सहकारी र साना किसान सहकारी रहेको धारणा राख्नुभयो ।


User Avatar
RSS रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

विचार/ब्लग

भिडियो

छुट्यो कि