अमरगढीका २६ बालबालिकामा कुपोषण अमरगढीका २६ बालबालिकामा कुपोषण



डडेल्धुराको अमरगढी नगरपालिकाका २६ बालबालिकामा कुपोषण देखिएको छ । नगरपालिको पछिल्लो तथ्याङ्कअनुसार पाँच वर्षमुनिका दुई हजार चार बालबालिकामध्ये २६ मा शीघ्र कुपोषण देखिएको छ । यस्तै २३५ बालबालिकामा भने मध्य शीघ्र कुपोषण देखिएको नगरपालिकाको स्वास्थ्य शाखा प्रमुख लोकराज पनेरुले जानकारी दिनुभयो ।

सुत्केरीलाई घरमा पालेको गाईभैँसीको दूध दिँदा बच्चामा रोग लाग्ने तथा गाईभैंसीले पनि दूध दिन छाड्ने रूढीवादी परम्पराका कारण बालबालिकामा जन्मेदेखि नै कुपोषण हुने गरेको बताइएको छ ।

यो पनि छुटाउनु भयो कि ?


सुत्केरीले पोषणयुक्त खानेकुराअन्तर्गत दूध–दही नपाउने गरेका कारण बच्चामा कुपोषण देखिने गरेको उग्रतारा स्वास्थ्य चौकीका इञ्चार्ज अहेव केशवराज भट्टले बताउनुभयो ।

“गाउँतिर त धेरै छ तर यहीँ नगरपालिकाभित्र समेत सुत्केरीलाई घरमा पालेको गाईभैँसीको दूध दिइन्न”, सहश्रलिङ्ग स्वास्थ्य चौकी राईकी अनमी तुलसी भट्टले भन्नुभयो ।

आफूहरुले सुत्केरीलाई पोषणयुक्त खानेकुरा खुवाउन भनेर सम्झाई बुझाई गरी पठाउने गरे पनि उनीहरुले त्यसलाई लागू नगर्ने भूमिराज स्वास्थ्य चौकीकी अनमी शान्ति भट्टले बताउनुभयो ।

सुत्केरीलाई पोषणयुक्त खानेकुराबाट वञ्चित गर्दा बालबालिकामा कुपोषण देखिने भएकाले सुत्केरी अवस्थामा झन् बढी पोषिलो खानेकुरा आवश्यक पर्ने अमरगढी स्वास्थ्य शाखाप्रमुख पनेरुले बताउनुभयो ।


User Avatar
RSS रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

विचार/ब्लग

भिडियो / टीभी

यो पनि पढ्नुहोस