पाथीभरा भलिबलको उपाधि पुलिसलाई पाथीभरा भलिबलको उपाधि पुलिसलाई



आज सम्पन्न तेस्रो पाथीभरा राष्ट्रिय पुरुष भलिबल प्रतियोगिताको उपाधि नेपाल पुलिस क्लबले जितेको छ ।

साविक विजेता पुलिस क्लबले नेपाली सेनाको त्रिभुवन आर्मी क्लबलाई ३–० सोझो सेटमा पराजित गर्दै उपाधि चुमेको हो ।

यो पनि छुटाउनु भयो कि ?


मैवाखोला गाउँपालिकाको केन्द्र साँघु बजारस्थित नारायणी माविको खेल मैदानमा पुलिसले आर्मीलाई २५–१७, २५–१३ र २५–१९ अङ्कको जित निकालेको हो । खेलको शुरुआतदेखि नै खेलमा पुलिस हाबी भएको थियो । उत्कृष्ट ब्लकिङ गरेकै कारण आर्मीलाई हराउन सजिलो भएको पुलिस क्लबका प्रशिक्षक सरोज श्रेष्ठले बताउनुभयो ।

पुलिस ईम रानाको कप्तानीमा मैदानमा उत्रिएको थियो । उपाधिसँगै पुलिसले रु तीन लाख ५१ हजार ५०० तथा उपविजेता आर्मीले रु एक लाख ७६ हजार २५१ पुरस्कार प्राप्त ग¥यो । सेमीफाइनल पुग्न सफल एपिएफ क्लब र गण्डकी प्रदेशले रु ५०÷५० हजार पुरस्कार प्राप्त गरे । विधागततर्फ पनि पुलिकै खेलाडीको वर्चश्व रह्यो ।

उत्कृष्ट खेलाडी पुलिसका कुलबहादुर थापाले रु १५ हजार प्राप्त गरे । उत्कृष्ट सर्भर पुलिसका विशाल विक, उत्कृट सटर पुलिसका इमबहादुर रानामगर, उत्कष्ट ब्लकर पुलिसकै दीपकराज जोशी, उत्कृष्ट स्पाइकर आर्मीका धनबहादुर भट्ट, उत्कृष्ट डिफेन्डर पुलिसका भिम गाहामगर तथा उत्कृष्ट प्रशिक्षक पुलिसका सरोज श्रेष्ठ घोषित भए ।

उनीहरुले जनही रु सात हजार पुरस्कार पाए । विजेता, उपविजेता तथा उत्कृष्ट खेलाडी र प्रशिक्षकलाई प्रदेशसभा सदस्य बलबहादुर साम्सोहाङ, टंक आङ्बुहाङ, होमकुमारी साँवा लिम्बुले संयुक्त रुपमा पुरस्कार प्रदान गरेका थिए । ‘पर्यटन प्रवद्र्धनका लागि भलिबल’ नारासहित यही वैशाख २२ गतेदेखि शुरु भएको सो प्रतियोगितामा ८ टिमको सहभागिता थियो । प्रतियोगिताको उद्घाटन सांसद योगेश भट्टराईले गरेका थिए ।


User Avatar
RSS रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

विचार/ब्लग

भिडियो / टीभी

यो पनि पढ्नुहोस