स्वागतम्,
Thursday 28th March 2024   |   Switch to English
Times of Nepal

शेयर बजार : सात अङ्कले घट्यो

सेयर गर्नुहोस

काठमाडौँ, ९ वैशाख : लगातार उकालो लाग्दै आएको शेयर बजारमा आज बिराम लागेको छ । नेपाल स्टक एक्सचेञ्जका अनुसार कारोवार मापक नेप्से परिसूचक ७.२६ बिन्दुले घटेर एक हजार २५६.९४ बिन्दुमा झरेको छ ।

यस्तै ठूला कम्पनीको शेयर कारोवार मापन गर्ने सेन्सेटिभ परिसूचक २.०४ बिन्दुले घटेर २७१.३७ बिन्दुमा झरेको छ । कूल १६८ कम्पनीको ३२ लाख ५९ हजार ४९६ कित्ता शेयर रु एक अर्ब चार करोड ६० लाख ३९ हजार मूल्यमा खरीद बिक्री भयो । कारोवार भएका कूल ११ उपसमूहमध्ये आज चार उपसमूहको मात्रै शेयर बढेको छ ।

त्यसमा व्यापार २.७, निर्जीवन बीमा ६४.८५, उत्पादन २३.९८ र जीवन बीमा १५४.२९ बिन्दुले बढेको छ । यस्तै बैंकिङ १३.८९, होटल २४.९७, विकास बैंक १२.९८, जलविद्युत् १.८८, वित्त १.५२, अन्य ४.९७ र लघुवित्त २०.९८ बिन्दुले घटेका छन् । स्टकका अनुसार आज नेपाल बैंक लिमिटेडको प्रतिकित्ता रु ३१० मा रु नौ करोड ३६ लाख ४० हजार बराबरको कारोवार भई शीर्ष स्थानमा छ ।

यस्तै सिभिल बैंकको रु चार करोड तीन लाख ९५ हजार, प्रभु बैंक रु तीन करोड ८८ लाख ४८ हजार, एनआइसी एशिया रु तीन करोड ८८ लाख नौ हजारमा कारोवार भई शीर्ष स्थानमा रहे । स्टकका अनुसार एभरेष्ट इन्स्योरेन्स कम्पनीका शेयरधनीले ९.७७ प्रतिशतले कमाए । यस्तै ग्लोबल आइएमई लघुवित्त वित्तीय संस्था ५.४१, युनिलिभर नेपाल ४.०३, स्ट्याण्र्डड चाटर्ड बैंकका शेयरधनीले ३.९५ प्रतिशतले कमाए । यसैगरी माउण्ेटन हाइड्रोका शेयरधनीले ५.२०, नेपाल एसबिआई बैंक ४.६९, नेशनल हाइड्रोपावर ४.१६ तथा हिमालयन बैंकका शेयरधनीले ४.१३ प्रतिशतले गुमाए ।

सेयर गर्नुहोस

योगदानकर्ता

+टीओएन

- विचार -

- लोकप्रिय -

- नछुटाउनुहोस -

- अन्य मिडिया -