स्वर सम्राट नारायणगोपालको सम्झना स्वर सम्राट नारायणगोपालको सम्झना



काठमाडौँ, १५ मङ्सिर : स्वर सम्राट नारायणगोपालले नेपाली साङ्गीतिक क्षेत्रमा पु¥याउनुभएको योगदान उल्लेखनीय रहेकोमा जोड दिइएको छ ।

नारायणगोपालको २८ औँ स्मृति दिवस एवं सङ्गीत शिला प्रतिष्ठानको १५ औँ वार्षिक साधारणसभाका अवसरमा आज यहाँ आयोजित कार्यक्रममा सांसद गगनकुमार थापाले स्वरकै माध्यमबाट स्रोतालाई मन्त्रमुग्ध बनाउनुहुने उहाँले नेपाली सङ्गीत क्षेत्रमा महत्वपूर्ण योगदान दिनुभएको बताउनुभयो ।

कार्यक्रममा सङ्गीतकार डा ध्रुवेशचन्द्र रेग्मी, प्रतिष्ठानका अध्यक्ष बद्रीप्रसाद प्रसाईँलगायतले नारायणगोपालले नेपाली साङ्गीतिक क्षेत्रमा पु¥याउनुभएको योगदानका बारेमा चर्चा गर्नुभयो । प्रतिष्ठानको साधारणसभाले प्रसाईँकै अध्यक्षतामा नौ सदस्यीय नयाँ कार्यसमिति निर्विरोध निर्वाचित गरेको छ । वरिष्ठ उपाध्यक्षमा ठाकुरप्रसाद पौडेल, महासचिवमा त्रिलोचन पौडेल, सचिवमा वसन्तकेशर पण्डित र कोषाध्यक्षमा मीना पोखरेल निर्विरोध निर्वाचित हुनुभएको छ । सदस्यमा योगराज ढकाल, माधव चालिसे, श्यामसागर श्रेष्ठ र दुर्गा गिरी रहनु भएको छ ।


User Avatar
रासस
“परिवर्तका लागी स्वच्छ पत्रकारीता” THE TIMES OF NEPAL | (thetimesofnepal.com) (नेपाल सरकार,सूचना तथा सञ्चार मन्त्रालय, सूचना तथा प्रसारण विभाग दर्ता नं. ६०/०७३–०७)मा दर्ता भई सञ्चालित अनलाइन न्युज पोर्टल हो । जसमा अंग्रेजी, नेपाली दुवैमाध्यमबाट राष्ट्रिय तथा अन्तराष्ट्रिय समाचार पढ्न पाउनुको साथ साथै तपाईको स्थानिय स्तरमा भएका समाचारहरु हामिलाई पठाउन समेत सक्नुहुनेछ ।

प्रतिक्रिया

सम्बन्धित पोस्टहरू

लोकप्रिय